Îro belgeyekî veşartî ya waliyê Kerkûkê Rakan Seîd Cibûrî ku bi wekalet walîtiyê dike aşkera bû. Belge di 17’ê gulana 2020’an de ji Fermandariya Operasyona Kerkûkê re hatiye şandin. Cibûrî di belgeya xwe de daxwaz dike ku hinek komên ereb ji bo sînorên Kerkûkê bên veguhestin.
Cibûrî di belgeyê de destnîşan kir ku ew daxwaz li ser daxwaza Şêxê Hoza Şemer Şêx Elî Hewas çêbûye. Walî di belgeya xwe de erebên ku dê veguhêzin Kerkûkê jî weke xwecihên wê nîşan dide. Di belgeyê de Cibûrî dibêje ku dê guherandina demografyayê di du qonaxan de çê bibe. Van qonaxan jî wiha vedibêje: “Di qonaxa yekemîn de dê ereb vegerin bajêr û di qonaxa duyemîn de jî dê paqijiya etnîkî bê kirin.”
Li gorî gotinên Cibûrî, dê ereban li herêmê bi cih bikin û ji bo vê jî belgeyên qanûnî û biryara dadgehê heye. Her wiha di nivîsê de hatiye gotin ku navê orjînal ê kurdî ya navçeyê weke navçeya ‘Deryasakaran’ e, tu yê bêjî qey ji sala 2003’an û pêve ev navçeya ereban e.
Gelê kurd, Cibûrî bi siyaseta taîfî û erebkirina Kerkûkê sûcdar dike. Ev gava dawî jî weke polîtîkaya rejîma Baas a ereb li nava zevî û milkên kurdan bicih kiribûn pênase kirin.
Di encama lihevkirineke berê ya li Bexda vegera erebên derdor a li herêmên ku piranî yek netew lê dijîn hatibû rawestandin. Lê piştî vê lihevkirinê û şûnde dîsa ereb vegeriyan herêmên ku piranî kurd bi salanin xwecihiyên herêmê ne û li herêmê dijîn.
Çavkanî: Ehmed Kerkûkî/ KERKÛK-ANF
