Navenda Nûçeyan |
Înîsiyatîfa Ji Ocalan re Azadî derbarê çalakiyên 10’ê Cotmehê Roja Azadiya Ocalan a Cîhanî daxuyanî da.
Înîsiyatîf Roja Azadiya Cîhanî ya Ocalan bi bîr xist û wiha got: “10’ê Cotmehê di serî de kurdistanî li hemû cîhanî gel bi daxwaza azadiya Ocalan derketin kuçeyan û bi dirûşmeyan gotin, ‘A niha, ji Ocalan re azadî.’”
Bi berdewamî hate gotin ku li Amerîka, Japonya, Ewropa, Ewûstralya, Kanada, Afrîka û çar parçeyên Kurdistanê bi sed hezaran kes ji bo ’10’ê Cotmehê Roja Azadiya Ocalan a Cîhanî’ derketine kuçeyan, kuçeyan bi pankat û dirûşmên ji bo Ocalan xemilandine û wiha diyar kir: “Hemû dostên ku li dora dirûşma ‘Dema azadkirina Abdullah Ocalan e’ hatine cem hev, bi pankarta ‘Ji Ocalan re azadî, ji Kurdistanê re statû’ û bi posterên Rêberê Gelê Kurd Abdullah Ocalan, bi meş, mitîng û gelek çalakiyên renginyên dengê xwe gihandine Îmraliyê.”
Înîsiyatîfa Ji Ocalan re Azadî çi kesê ku 10’ê Cotmehê derketin kuçe û kolanan û xwedî li Ocalan derket, malavayî kir û wiha domand: “Bi baweriya heta ku ‘Rêzdar Ocalan azad bibe’ , em bang dikin ev xwedîderketina bi coş were domandin. Ocalan ne tenê deng û hêviya kurdan e, her wiha ji bo bi milyonan kesên çewisandî jî deng û hêvî ye. 10’ê Cotmehê êdî weke roja ku azadiya Ocalan hatiye ragihandin derbasî dîrokê bûye. Bi vê wesîleyê Rêzdar Ocalan û hemû hevalên ku li Îmraliyê berxwedana xwe didomîne em slav dikin.”
Her wiha înîsiyatîf daxuyaniya xwe wiha bi dawî kir: “Heta ku Rêber Apo azad bibe em kurd û dostên kurdan em ê hewlesta xwe ya biryardar bidomînin. Em Înîsiyatîfa Ji Ocalan re Azadî bang li her kesî dikin ku vê xwedîderketinê bi çalakiyên cihê û rengîn bidomînin. Xwedîderketina li Rêber Apo paratsina azadî û dahatuya me ye. Têkoşîna ji bo azadiya Ocalan tê kirin têkoşîna ji bo azadiya me.”
