Ciwanên Kurdistanî û Entenasyonalîst xwe amade dikin ku bi dirûşma ‘Bi ruhê Apoyî ber bi rêwîtiya azadiyê ve’ li Almanyayê dakevin qadan. Ji bo azadiya fîzîkî ya Rêberê Gelê Kurd Abdullah Ocalan wê di navbera 3-8’ê îlonê de ciwan dest bi çalakiya Rêwîtiya Azadiyê bikin. Çalakî wê di navbera bajarên Dortmûnd û Koln ên Almanyayê de pêk were.
Komîteya Amadekar têkildarî çalakiyê li ser hesabên xwe yên medya dîjîtal bang kir. Komîteya Amadekar got: “Em ciwanên kurd û enternasyonalîst em ê bibin yek; li dijî kapîtalîzm, faşîzm û mêtingeriyê bi rengekî mezin li ber xwe bidin û bi ser bikevin. Ji bo armanca xwe ya azadiya bi Rêber Apo re pêk bînin em ê têkoşîna xwe dewam bikin.”
Tê payin ku ji Fransa, Almanya, Swîsre, Awûstûrya, Îngilistan û tevahiya Ewropayê bi sedan ciwan tevlî çalakiya Rêwîtiya Azadiyê bibin. Roja destpêkê ya çalakiyê wê li ser tecrîdkirina Rêberê Gelê Kurd Abdullah Ocalan konferansek bê lidarxistin.
Bernameya çalakiyan bi vî rengî ye:
02.09.2023 – Kombûn- Bornstrasse 166 Dortmund
03.09.2023 – Roja 1’emîn – Konferans
04.09.2023 – Roja 2’yemîn – Dortmund HBF-Bochum HBF
05.09.2023 – Roja 3’yemîn – Bochum HBF-Essen HBF
06.09.2023 – Roja 4’emîn – Oberhausen HBF-Duisburg
07.09.2023 – Roja 5’emîn – Neuss HBF – Düsseldorf HBF
08.09.2023 – Roja 6’emîn – Köln HBF – Köln Mülheim
