Saetê serê sibayî de polîsan eşt serê awanîya Partîya Demokratîke ya Şaran (HDP) ê Cizîre ya Şirnexî. Cigêrayîşê ke serê siba dest pêkerd, dimayê çend saetan peynî bi. Sereştişê bînaya HDPyî de ber û paca ameyî şikinayîş û sewbîna bi tenîyê soba ber, paca û eşyayan sîya kerdî. Sewbîna çarçewaya fotografê Denîz Poyraz zî ameye şikinayîş.
Heto bîn ra zî polîsan eşt serê xeylêk keyeyan û sereştiş de Esmer Çikmaz, Hemserekê HDPyî yê Cizîre Mesut Nart, Maruf Elîş, Osman Kuçuk, Şerîf Elçîoglu, Ahmet Benzer, Haci Dalmiş û Zelîha Yardak ameyî destbendkerdiş.
Sebebê destbendkerdişan nêame zanayîş, kesê ke ameyî destbendkerdiş berdî Mudûrîyê Polîsan ê Cizîre.
Ame dîyarkerdiş ke hûmara destbendkerdişan do zêde bibo. ŞIRNEX
