Serokkomarê Iraqê Dr. Berhem Salih li gel heyetek ku Wezîrê Derve yê Iraqê jî di nav de ye gihişt Tirkiyeyê û tê payîn ku li gel serokkomarê tirk Erdogan re bicive
Li gorî daxuyaniyek a Serokkomartiya Iraqê, Serokkomar Dr. Berhem Salih bi serdanek fermî gihiştiye Tirkiyeyê.
Di heman daxuyaniyê de hate gotin ku wê di navbera her du serokkomaran de têkildarî rewşa dawî, guhertinên herêmî, cîhanî û peywendiyên her du welatan giftûgo werin kirin.
Di heyeta Berhem Salih de Wezîrê Derve yê Iraq û Şêwirmendê Ewlehiya Netewî ya Iraqê jî cih digirin.
Ji aliyê din ve serdana Berhem Salih di dema êrîşa dewleta tirk a ku duh bi şeve ve li dijî herêma Xakurkê daye destpêkirin, pêk hat.
Hêjayî gotinê ye ji serê salê ve ev cara duyemîn e ku Berhem Salih tê serdana Tirkiyeyê. Serdana wî ya yekem di 3’yê çileyê de pêk hatibû.
