Pîrozbahiyên Newrozê her sal di 21’ê Adarê de bi tevlibûna milyonan û coşeke mezin tê pîrozkirin. Dema cihên ku wê Newroza 2024’an lê bê pîrozkirin diyar bû. Newroza 2024’an wê îsal li sedan cihan ku 57 jê navendan in, bê pîrozkirin.
Agirê Newroza 2024’an dê li navçeya Depê ya Xarpêtê ku bajarê yek ji kadroyên pêşeng ê PKK’ê Mazlûm Dogan ku di 21’ê Adara 1982’yan de bedena xwe da ber agir, di 15’ê adarê de were vêxistin. Her wiha wê agirê Newrozê yê sembolîk li sûrên Amed û Kadifekale ya Îzmîrê bê pêxistin. Sûrên Amedê cihê ku Zekiye Alkan di 21’ê Adara 1990’an de bedena xwe da ber agir e. Kadifekale ya Îzmîrê, cihê ku Rahşan Demîrel di 22’yê Adara 1992’yan de bedena xwe da ber agir û bi Newrozê re bû yek e.
Li gel 57 navendan wê li gelek bajar, navçe, gund û bajarokan agirê Newrozê bê pêxistin. Cejna Newrozê tenê di 21’ê Adarê de li Amedê tê lidarxistin. Tê payîn ku Newroza îsal bi azadiya fizîkî ya Rêberê PKK’ê Abdullah Ocalan ê li Girtîgeha Tîpa F a Ewlekariya Bilind a Îmraliyê di bin tecrîda girankirî de tê girtin û daxwazên çareseriya demokratîk a pirsgirêka kurd bê pîrozkirin.
Navend û dîrokên pîrozbahiyên Newroza 2024’an wiha ne:
15’ê adarê: Elezîz/Dep
17’ê adarê: Giyadîn/Agirî, Dîlok, Kanîreş/Çewlîg, Bûrsa, Denîzlî, Colemêrg, Stenbol, Îzmîr, Dîgor/Qers, Kocaelî, Osmaniye, Şirnex, Tekîrdag, Pirsûs û Xelfetî/Riha, Wan
19’ê adarê: Panos/Agirî, Bazîd/Agirî, Golan/Erdexan, Balikesîr, Dêrsim, Qereçoban/Erzirom, Hatay, Kaxizman/Qers, Nisêbîn/Mêrdîn, Mûgla, Milazgîr û Kop/Mûş, Dihê/Sêrt, Qileban û Cizîr/Şirnex, Wêranşar/Riha.
20’ê adarê: Erdîş/Wan, Aydin, Êlih, Tetwan/Bedlîs, Çanakkale, Gever/Colemêrg, Îdir, Konya, Manîsa, Qoser/Mêrdîn, Mersîn, Sêrt, Çewlîg, Elkê/Şirnex.
21’ê adarê: Amed
23’ê adarê: Şemzînan/Colemêrg, Mûş, Riha, Enqere
24’ê adarê: Çelê/Colemêrg, Edene, Kirşehîr, Antalya
25’ê adarê: Agirî
