Di navbera 25-29’ê kanûnê de li Êlihê dê 2’yemîn Rojên Wêjeya Kurdî bên lidarxistin. Di çarçoveya bernameyê de gelek nivîskar, helbestvan û wêjevanên kurd dê berhemên xwe pêşkeş bikin û wêjeya kurdî binirxînin
Rojên Wêjeya Kurdî ku dê îsal cara duyemîn bê lidarxistin, di 25’ê kanûnê de li Êlihê dest pê dike. Bername, ji aliyê Şaredariya Êlihê, Şaxa Egîtîm Sen a Êlihê, Komeleya Çand û Hûnerê ya Êlihê (BART) û Komeleya Lêkolînên Ziman û Çandê ya Meretoyê ve tê organîzekirin û dê 5 rojan bidome. Mêvanê rûmetê yê bernameyê jî helbestkarê kurd Berken Bereh e. Bernameya ku tê payîn gelek nivîskar û helbestkar beşdar bibin, dê tevahî li Navenda Çandê ya Ahmet Gunşetekîn a Şaredariya Êlihê bê lidarxistin.
Di bernameya hatiye amadekirin de rojên nîşandana fîlman, guhdarkirina helbestan, gotûbêj, panel û îmze cih digirin. Di gotûbêj, panel û guhdarkirinan de mijarên weke ‘Pêşketina çîroka kurdî’, ‘Di wêjeya kurdî de werger’, ‘Rengê jinê yê di wêjeya kurdî de’, ‘Di zaravayên kurdî de roman’ û ‘Motîvasyon û pirsgirêkên romana kurdî’ dê ji hêla nivîskar û helbestkaran ve bên nrxandin.
Bernameya Rojên Wêjeya Kurdî ku dê di navbera 25-29’ê kanûnê de bê lidarxistin wiha ye:
“Roja yekemîn;
Saet 18.00: Axaftina vekirinê ya hevşaredarên Şaredariya Êlihê Songul Korkmaz û Dr. Mehmet Demîr.
Saet 19.00: Şeva hurmetê ya mêvanê rûmetê Berken Bereh, Îrfan Amîda, Rêdûr Dîjle, Cumhur Olmez û Mûeyed Teyîp.
Saet20.00: Bi mûzikên Agît Işık guhdarkirina helbestan, Selîm Temo, Merdan Newayî, Weysel Tirpan û Roza Metîna.
Roja duyemîn;
Saet13.00: Belgefîlma Kovara Rewşenê
Saet 15.00: Îmze û gotûbêja Mueyed Teyîp
Saet 17.00: Îmze û gotûbêjên Ramazan Kavak, M. Şîrîn Bulga, M. Saît Îmret û Firat Ozdemîr
Saet 19.00: Panela ‘Di wêjeya kurdî de werger’ ku dê Muhsîn Ozdemîr, Merdan Newayî, Salih Agir Qoserî û Lal Laleş pêşkeş bikin.
Roja sêyemîn;
Saet 14.00: Belgefîlma Cegerxwîn
Saet 17.00: Panela ‘Pêşketina çîroka kurdî’ ku dê Îsmaîl Hacanî, Bajar Mîrzeman û Mihemed Ronahî pêşkeş bikin.
Saet 19.00: Şeva helbestê; Ramazan Kavak, Meral Şîmşek, Çetîn Lodî, Kevok Mizgîn û Îsmaîl Hacanî
Roja çaremîn;
Saet 13.00: Panel Îmze; ‘Wêjeya Klasîk’ Perwîz Cîhanî, Abdûrrahman Adak û Hayrûllah Acar
Saet 15.00: Panel Îmze; ‘Rengê jinê yê di wêjeya kurdî de’ Dîlan Aydin, Sûltan Yaray, Roza Metîna, Herdem Merwanî û Xecê Şen
Saet 17.00: Panel Îmze; ‘Di zaravayên kurdî de roman’ Sebrî Silêvanî, Roşan Lezgîn û Ferzen Şêr
Saet 18.00: Panel Îmze; ‘Wêje û Bawerî’ Adar Jiyan, Qahir Beteyî û Qedrî Yildirim
Roja pêncemîn;
Saet 13.00: Helbest û Gotûbêj; Selîm Temo
Saet 15.00: Panel; ‘Motîvasyon û pirsgirêkên romana kurdî’ Şener Ozmen û Remezen Alan
Saet 17.00: Nîşandana Belgefîlma Mîrê Bilûrê/Kavalin Miri
Saet 19.00: Panel; ‘Folklora Kurdan’ Nîhat Gultekîn, Bedran Hîkmet û Nûsret Îmîr
Saet 21.00: Girtin.
