Navenda Nûçeyan
Rojnameya The Jarusalem Post a Îsraîlî ku xwe dispêre agahiyên berpirsekî Dezgeha Îstîxbaratê ya Îsraîlê (MOSSAD) têkildarî peywendiyên wan ên li gel Herêma Federal a Kurdistanê û PDK’ê zanyariyên nû yên girîng belav kir.
Li gorî rapora ku xwe dispêre agahiyên berpirsekî MOSSAD’ê desthilata Başûr sûdeke mezin daye dewleta Îsraîlê û wiha nivîsandiye: “Hevpeymanî li gel kurdên Iraqê fêdeyeke mezin ji bo Îsraîlê hebûye. Li Iraq, Sûriye û Îranê bûne çav û guhên me. Îsraîl niha peywendiyeke xwe ya bihêz li gel kurdên Iraqê û bi taybet jî berpirsên PDK’ê ya dibin serokatiya Mesûd Barzanî de heye.”
Li gorî rojnameyê ev peywendiyane diçe heya salên 1960’an û tê gotin ku ji bo dewleta Iraqê were lawazkirin, ji xwe re weke hevpeyman hilbijart.
Her wiha ev berpisê MOSSAD’ê aşkera dike ku bi taybet peywendiyên leşkerî û siyasî yên herdu aliyan ên bihevre ji sala 2003’an ve zêdetir bûye û ev agahiyên veşartî jî aşkera dike: “Piştî sala 2004’an şûn ve yekineyên leşkerî û îstîxbaratî yên Îsraîlê bi rêya kurdên Iraqê karîn li Iraq, Îran û Sûriyeyê dest bi perwerde û gelek çalakiyên veşartî bikin.”
Di heman raporê de zanyariyek bi piştrastkirina ji Financial Times jî dibêje Îsraîl ji 4’an 3’yê nefta Herêma Federal a Kurdistanê ji bo xwe hawirde dike.
Ev rojname vê ya jî weke çavkaniyeke girîng a dahata Îsraîlê bi nav dike û her wiha diyar dike ku şîrketên Îsraîlî yên enerjî û hilberînê jî li Herêma Federal a Kurdistanê çalak in.
