Zilamê 65 salî A.D. yê li Gurgumê li ser giliyê zarokê 15 salî B.U. yê rastî îstîsmarê hat û malbata wî, hat girtin, piştî hefteyekê serbest hat berdan. Malbata B.U. bertek nîşanî berdana bersûc A.D. da û xwest ji nûve be girtin
Li Gurgumê zarokê 15 salî B.U. di 6’ê cotmehê de rastî îstîsmar zayendî ya zilamê 65 kalî A.D. hat. Piştî B.U. tişta bi serê wî de hatiye ji malbatê re got, li midûriyeta polîsan û dozgeriyê gilî kirin. Serdozgeriya Komarê ya Bazarcixê lêpirsîn da destpêkirin û polîsan A.D. binçav kirin. Piştir di bin çavdêriya pedegog de îfadeya B.U. stendin. B.U. di îfadeyê de diyar kir ku rastî îstîsmara zayendî ya A.D. hatiye. Li ser îfadeya zarok, zilamê 65 salî A.D. ji aliyê Hekîmê Ceza ya Sulhê ya Bazarcikê hat girtin. A.D. pitî hat girtin, hefteyek şûnde serbest hat berdan. Li ser îtîrazê 2’yemîn Dadgeha Ceza ya Sulhê ya Gurgumê, li ser rapora ku li Nexweşxaneya Dewletê ya Gurgum (Mereş) hatiye amadekirin, A.D. di 14’ê cotmehê de hat berdan. Bijîşkên Nexweşxaneya Dewletê ya Necîp Fazıl Şehîr a 07/10/2019’an de parast ku rastî tu daneyan nehatine.
Piştî bersûc hat berdan, malbata B.U. serî li ÎHD’ê ya Gurgumê dan û alîkariya hiqûqî xwestin. Kalikê B.U., H.U. bertek nîşanî berdana bersûc A.D. da û wiha got: “A.D. îstîsmarî xizmên xwe yên li dervê welat jî kiriye. Ev mirovekî apore (sapik) ye. Divê demek berî demekê bê girtin. Me serî li ÎHD’ê da. Em dê şopdarê dozê bin.” GURGUM
