Greva birçîbûnê ya bêdem û bêdorveger ku endamê HDP’ê Nasir Yagiz li Hewlêrê ji bo rakirina tecrîda li ser Ocalan daye destpêkirin di roja 95’emîn de didome. Nûnera HDP’ê ya Hewlêrê Muzeyeyn Guneş got ku rewşa Yagiz giran bûye û bi zorê di axive
Greva birçîbûnê ya li Nûnertiya Hewlêrê ya HDP’ê kete roja 95’an. Rewşa tendiristiyê ya Yagiz giran dibe.
Çalakiya greva birçîbûnê ya ku li Nûnertiya Partiya Demokratîk a Gelan (HDP) a Hewlêrê ji bo rakirina tecrîda girankirî ya li ser Rêberê Gelê Kurd Abdullah Ocalan hatiye destêkirin, di roja 95’emîn de berdewam e. Çalakiya greva birçîbûnê koma 48’an dewr girt.
Di heman demê de çalakiya greva birçîbûnê ya bêdem û bêdorveger ku endamê HDP’ê Nasir Yagiz daye destpêkirin kete roja 95’an. Rewşa tenduristiyê ya Yagiz giran dibe û ketiye astekî krîtîk.
Têkildarî mijarê nûnera HDP’ê ya Hewlêrê Muzeyen Guneş axivî û diyar kir ku rewşa Yagiz her ku diçe giran dibe û bi zorê di axive û radizê. Guneş bang li hemû partî û aliyên siyasî yên kurdistanî û navneteweyî kir ku ji bo rakirina tecrîda li ser Ocalan zextê li dewleta tirk bikin. HEWLÊR
