Çalakiya greva birçîbûnê ya girtiyên bi navên Kadîr Karaba û Esat Nacî Yildirim ku li Girtîgeha Tîpa F ya Wanê hatibû destpêkirin, bi ser ket. Girtîgehê daxwazên girtiyan qebûl kir û girtiyan jî çalakî bi dawî kir
Girtiyê ji doza TKP/ML’ê Kadîr Karabak û girtiyê ji doza MKP’ê Esat Nacî Yildirim ku li Girtîgeha Tîpa F ya Wanê tên girtin, ji bo têlên li ser hewşê hatine bicihkirin bên rakirin û di dema jimartinan de lêgerîn neyê kirin, 127 roj in di greva birçîbûnê de bûn.
Dozgerê komarê û midûrê girtîgehê bi çalakgerên greva birçîbûnê re rûniştin û ji wan re gotin ku daxwazên wan hatine qebûlkirin. Têkildarî mijarê parêzer Savaş Avci daxuyaniyek da û destnîşan kir ku berxwedana greva birçîbûnê bi ser ketiye û daxwazên girtiyan hatine qebûlkirin.
Avci diyar kir ji ber ku daxwaz hatine qebûlkirin, Karabak û Yildirim dawî li greva birçîbûnê anîne. Avci got ku girtî niha birine nexweşxaneyê. WAN
