Ji çalakvanên berxwedana greva birçîbûnê Sedat Akin li Êlihê dengê xwe da. Akin diyar kir ku dê qeyûman paqij bikin û serkeftin teqez a wan e
Yek ji berxwedêrên çalekiya greva birçîbûnê ya ji bo rakirina tecrîda girankirî ya li ser Rêberê Gelê Kurd Abdullah Ocalan hatiye destpêkirin Sedat Akin, li Dibistana Petrole ya Taxa Bahçelîevler a Elihê çû ser sindoqê û dengê xwe da.
Sedat Akin bi alîkariya rêveberen Şaxa Komeleya Mafên Mirovan (ÎHD) a Êlihê bi maşîneyekê taybet çû ser sindoqê û dengê xwe da. Rêveberên ÎHD’ê Akin derxistin qata duyem û li ser sindopa hejmar 1004’an dengê xwe bikar anî. Dema welatiyan dît ku Akin zor û zehmetiyê dikişîne, ji serokê sindoqê xwestin ku sindoqê daxin qada jêr. Akin piştî ku dengê xwe da, daxuyaniyekî kin da.
Akin anî ziman ku ew ê teqez bi ser bikevin û wiha derbirî: “Em ê qeyûm ji vir paqij bikin û teqez bi ser bikevin. Encama têkoşînê dê pir xweş be. Em gav bi gav nêzî serkeftinê dibin.” ÊLIH
