Berxwedêrê rojiya mirinê Ahmet Topkaya yê li Girtîgeha Tîpa D a Amedê di rojiya mirinê deye, ev pema ji raya giştî re şand: “Êdî tu qîmeta gotinê tune. Ev berxwerdan û vîn dê tecrîdê bişkîne.”
Li 4 girtîgehên cuda yên Tirkiyeyê, 15 girtiyên di greva birçîbûnê debûn, li dijî bêdengiya hikumetê, dewletê û raya giştî çalakiya xwe pêngavek din mezin kirin û di 30’ê Nîsanê de dest bi rojiya mirinê kirin.
Girtî Ahmet Topkaya yê ji 1’ê Adarê ve li Girtîgeha Tîpa D a Amedê di greva birçîbûnê debû û ji 30’ê Nîsanê ve jî dest bi çalakiya rojiya mirinê kir, bi rêya malbata xwe peyam ji raya giştî re şand. Topkaya di peyama şand de wiha got: “Rewşa me ya tenduristiyê başe û em bi moralin. Divê gel ji bo vê berxwedanê deng derxîne û xwedî derkeve. Êdî tu qîmeta gotinê tune. Ev çalakî ne ji bêçareseriyê ye. Berevajî, em di serdemek herî bi xurt dene. Ev berxwerdan û vîn dê tecrîdê bişkîne
Topkaya dayikên girtiyên di greva birçîbûnê de yên xwestin li Gebze, Qoser û Amedê çalakiya nobetê pêk bînin û rastî êrîşan hatin, silav kirin û ev bang kir: “Em tu wateyê nadin bêdengiya ciwan û mirovan. Divê gelê me cihê xwe li gel dayîkên li ber xwe didin, bigirin.” AMED
