Herêma Besta ya Şirnexî de qoricîyî bi mengan o qirkerdişê daran rê dewam kenê. Destpêkê hamnanî de sere de warê Mêrg û Marî de xeylêk waran de leşkeran şewatî vetbî û nê şewatan de bi des hezaran darî wele bibîyî. Warê Serê Rêyî yê Besta de zî qoricîyî daranê belûyan ê se serreyan birnenê û pê traktoran benê. Belûyî yenê berdene bi şaristananê cîya-cîyan û roşîyenê.
Selahîyetdarî qetî mudaxeleyê qirkerdişê daran nêkenê. Menga hezîrane de Mudirîya Daristanan a Şirnexî nêrazîbîyayîşan ra dima îdîa kerdbi ke darî nêbirîyenê la yenê taştene. Çime: Anf
