Erdogan bi alîgirên xwe yên kurd re hat gel hev û careke din xwest wan bi olê bixapîne û got ku dê bi têkçûna wan re kêfa Ewropa û Amerîkayê li wan bê
Serokkomarê Tirkiyeyê Recep Tayyîp Erdogan di çarçoveya xebatên xwe yên hilbijartinê de bi alîgirên xwe yên bakurê Kurdistanê re hat gel hev. Hevdîtin li qesra Erdogan ji çapemeniyê re girtî pêk hat û bi qasî 2 saet û 20 deqeyan dewam kir.
Hat hînbûn ku Erdogan di civînê de xwestiye beşdaran bi ola îslamê bixapîne û ev tişt aniye ziman: “Heke em têk biçin dê gelek kefa dijminên îslamê yên li Ewropa û Amerîkayê were, bi têkçûna me re kesên ku dixwazin li erdnîgariya me qirkirinan pêk bînin dê cejn bikin.”
Beriya hilbijartinên niha jî Erdogan bi bernameyên bi vî rengî bi alîgirên xwe re hatibû gel û hev. Balkêş e weke hevdîtina niha dixwaze van hevdîtinên xwe weke hevdîtinên bi rûspiyên kurd re nîşan bide. Lê di rastiyê de eleqeya van kesan û rûspîtiyê bi hev re tune ye. ENQERE
