Li herêma Raperînê ji aliyê welatî, çalakvanên civaka sivîl û endamên Tevgera Azadî ve bi boneya rojbûna Ocalan 70 dar hatin çandin
Li seranserê Kurdistan û derveyê welat kurd bi çalakiyên cur bi cur 4’ê Nîsanê rojbûna Rêberê Gelê Kurd Abdullah Ocalan pîroz kirin. Bi vê boneyê li bajorkê Hecîsawa yê girêdayî bajarê Ranyayê ya bi ser herêma Raperînê ji aliyê çalakvanên civaka sivîl û endamên Tevgera Azadî 70 dar hatin çandin.
Piştî çandina daran hevserokê Tevgera Azadî ya Herêma Raperînê Xalid Mustefa daxuyaniyek çapemeniyê da û wiha got: “Em rojbûna Rêber Apo li hemû kurdan pîroz dikin. Rêber Apo ji zarokatiyê ve alîgirê jiyana hevbeş û azadiya gelan bû. Ji bo wê îro jî li ser heman sîstemê bi israr e.”
Piştî wê welatiyê bi navê Şiwan Bekir jî axivî û ev tişt anî ziman: “Fikrê Rêber Apo îrade û hêzê dide Leyla Guven û hemû çalakvanên ji bo şikandina tecrîdê di grevên birçîbûnê de ne.” RANYA
