Ciwanê bi navê Zerdeşt Elî yê astengdar ku xelkê navçeya Seyidsadiq a Silêmanê ye, rojane bi firotina gul û şitlên daran debara xwe dike
Zerdeşt Elî 30 salî ye û niştecihê navçeya Seyidsaqid a Silêmaniyê ye. Tevî ku lingekî wî seqete 8 sal in bi erebaneya destan gulfiroşiyê dike. Rojene li taxên Hesar, Kanî Zerd, Şêxan û di nava bazara navçeyê digerî û gul û şitlên daran difiroşe. Gulên weke, gulebax, sadonya, gula guzele, gula firmêsk, gula sara li taxan digerîne. Her wiha çend cûrên şitlên daran ji digerîne.
Zerdeşt Elî wiha gala serpêhatiya jiyana xwe dike: “Ji sala 2009’an ve mûçeyên astengdaran hatiye birîn. Lijneya bijîşkî ji min re got, tu pirsgirêkên te nîne. Tevî ku rapora min ya nexweşiyê heye û lingek yê min seqet e jî, mehena 90 heban ji bo çareseriyê bi kar tînim, ji bo ku nemirin. Hebên min ji derveyî Herêma Kurdistanê tên û mehena dikeve buhayê 200 dolaran, lê mûçeyên min dîsan nadin.”
Zerdeşt diyar kir ku 8 sal in karê gulfiroşiyê dike û wiha domand: “Bi riya vê erebaneyê 8 sal in ez gulan difiroş im. Ez ji karê xwe gelek razî me. Rojane ez nêzî 20 hezar dînar peyda dikim. Gulfiroşî karek gelek xweşik e. Mal û hewşan xweşik dike. Rêjeya keskahiyê zêde dike. Ji bo jîngehê jî gelek baş e. Birayê min bi matorbiskilêta sê tekel gul û şitlan ji bo min tîne. Ez jî bi erebaneyê li bazara Seyidsadiq difiroş im.” SILÊMANÎ
