Bi banga ‘Qedexeya li ser PKKê rakin’ li Hermannplatza ya li Berlîna Almanyayê dê meşek tê lidarxistin. Bi hezaran kurdistanî, sosyalîst, ekolojîst, antîfaşîst, demokrat, azadîxwaz û bi dehan sazî tev li meşê bûn.
Li Almanyayê 28 sal in li ser PKK’ê qedexe heye û hat diyarkirin ku ev qedexe ji ber hevkariya dewleta tirk e.
Gelê kurd û dostên gelê kurd tev li meşê bûn. Meş bi rêzgirtina ji bo şehîdên têkoşîna azadiyê dest pê kir. Meşvan li ser hev sloganên ‘PKK gel e gel li vir e’ , ‘Bijî Serok Apo’, ‘Bila qedexeya li ser PKKê were rakirin’, ‘Bimire Erdogan’ û ‘Bimire TC’ berz dikin.
Di daxuyaniya li ser navê Înîsiyatîfa Rakirina Qedexeya PKK’ê hat gotin ku tu bingehekî qanûnî yê qedexeya PKK’ê tune ye.
Di çalakiyê de bang li hikûmeta ku nû dixwaze were avakirin hat kirin ku qedexeyê li ber çavan re bê derbas kirin.
Berdevkê Înîsiyatîfa Rakirina Qedexeya PKK’ê ku meş organîze kirî, diyar kir ku qedexeya PKK’ê şerma demokrasiya Almanyayê ye.
Meş li Hermannplatzê dest pê kir û dê li ser xeta Sonnenalle, Pannierstr, Glogauerstr, Wienerstr, Oranienstr bidome. Dê li Qada Oranîenplatzê jî mîtîngek were lidarxistin. BERLÎN
