Welatiyên Helebê ji bo şermezarkirina êrîşên dewleta tirk ên li dijî rojavayê Kurdistanê meşiyan. Welatiyan dewlet tirk şermezar kirin û berxwedana Rojava jî silav kirin
Bi hezaran welatiyên Helebê bi armanca şermezarkirina êrîşên dagirkeriyê yên dewleta tirk û çeteyên wê yên li dijî rojavayê Kurdistanê û piştgiriya bi berxwedana gelê Rojava ya li dijî dagirkeriyê, li taxa Şêxmeqsûd a Helebê bi dirûşma ‘Şêniyên Helebê piştgiriya berxwedana Bakur û Rojhilatê Sûriyeyê dikin’ meşiyan.
Meş li kolana taxê heta beşa rojhilatê taxa Şêxmeqsûd dom kir. Di meşê de welatiyan wêneyên kesên di berxwedana li dijî dagirkeriya dewleta tirk de şehîd bûn rakirin. Meş heta herêma Cebanatê dom kir. Welatiyên ku li vir kom bûn û çalakî li dar xist.
Di çalakiyê de êrîşên dewleta tirk hatin şermezarkirin û hat gotin ku êrîşa dewleta tirk ji sala 2011’an va didome û armanc jî dagirkirina bakur û rojhilatê Sûriyeyê ye. Axaftvanan di dawiya axaftina xwe de bal kişand ser girîngiya bersivdayîna êrîşên dagirkeriyê yên dewleta tirk û parastina destkeftiyên gelê herêmê.
Meş bi dirûşmên silavkirina berxwedana Rojava bi dawî bû. HELEB
