Dewleta tirke herêmanê Rojawanî yê îşxalkerdeyan de demografî vurnena.
Şerê Îsraîl û Hamasî yê 7ê teşrîna verêne ra nata Gazze de bi hezaran merdimî kişîyayî û bi des hezaran kesî wareyanê xo ra ameyî kerdene. Hêzê hegemonî û cergê înan seba menfaetanê xo şarî kenê qurban.
Dewleta tirke ya îşxalkere Rojawan de herêmanê îşxalkerdeyan de şarî bi zorî dana koçkerdene. Dewleta îşxalkere herinda şarê herêmîyî de bi hezaran keyeyanê endamanê Hamasî Gazze ra ana û Efrîn, Cerablus û Bab de cakena.
Eşkera bi ke dewleta tirke, Qatar û Hamasî plan kerdo ke 250 hezar roniştoxê Gazze Rojawan, Vakurê Kurdîstanî û Kibris de cabikerê.
Dewa Celemî ya qezaya Cindirêsî ya Efrînî de seba endamanê Hamasî hetê MÎTî ra tewr tay 4 hezar xeymî û banî virazîyayî. Cergê Feyleq El Şamî kampan îdare kenê.
17ê teşrîna peyêne de tewr tay 75 keyeyê cerganê Hamasî dewa Çeqela ya qezaya Şîyê ya Efrînî de ameyî cakerdene.
19ê teşrîna peyêne de dewleta tirke bi koordîneya Kuweyt, Qatar, Îxwanê Muslîmîn û Hamasî bi desan keyeyê endamanê Hamasî Cindirês de cakerdî. Seba nînan kampa bi 150 xeyman ronîyaye.
Peynîya teşrîna peyêne de Bab de xeymî ronîyayî û nê xeyman de tewr ray 150 keyeyê Hamasî ameyî cakerdene.
Nê kampî hetê MÎT, ÎHH, Temiz Eller, El Eyş El Kerama ya Mossadî ra yenê fînansekerdene.
