Li Girtîgeha Tîpa F ya Hejmar 1 a Kocaeliyê bi hinceta ‘cesaretê dide’ ji destpêka greva birçîbûnê heta bidawîbûnê rojnameya Yenî Yaşamê nedan girtiyên ketibûn greva birçîbûnê. Hat îdiakirin ku dê piştî grevê rojnameyê bidin girtiyan lê parêzeran got ku hêj rojname nayê dayîn
Grevên birçîbûnê yên bi armanca rakirina tecrîda li ser Rêberê Gelê Kurd Abdullah Ocalan ji aliyê girtiyan ve hatibû destpêkirin di 26’ê gulanê de li ser banga Ocalan hatin bidawîkirin.
Piştî grev hat destpêkirina Serokatiya Lijneya Perwerdehiyê Ya Midjûriyeta Saziya Înfaza Ceza ya Ewlehiya Bilind a Tîpa F ya Hejmar 1 a Kocaeliyê navê hinek siyasetmedaran diyar kir û bi hinceta ‘cesaretê dide’ biryar da ku rojnameya Yenî Yaşamê neyê dayîn. Kesên navê wan hat dayîn wiha ne; “Edîbe Şahîn, Aysel Tugluk, Sînan Yîgît, Îbrahîm Kaya, Selman Çetîner, Sirri Sureya Onder, Fetullah Akpulat, Resmiye Vatansever, Denîz Tepelî û hevseroka DBP’ê Sebahat Tuncel.
Rêveberiya girtîgehê diyar kiribû rêya îtîrazê vekiriye, lê hat hînbûn ku gelek îtîrazên hatine kirin jî nehatine qebûlkirin. Her wiha tevî bidawîbûna grevan, parêzeran got ku hîna rojnameyê nadin siyasetmedaran. KOCAELÎ
