Ekîbê DEDAŞî vizêr şî dewa Qasrîkî ya qezaya Şemrexî û waşt ke kontrolê saetanê cereyanî bikero, labelê dewijan destûr nêda. No hedîse ra dima DEDAŞ cereyanê heme dewijan bi mehneya ‘qaçaxî’ birna
Vizêr ekîbê Şîrketê Anonîmî yê Vilakerdişê Cereyanê yê Dîcle (DEDAŞ) tewrê qorîcîyan şî dewa Qasrikî ya qezaya Şemrexî ya Mêrdînî. Mabenê dewij û xebatkaranê DEDAŞî de munaqeşe vejîya. Xebatkarê DEDAŞî waştî ke keye bi keye binê kontrolê eskeran de kontrolê ‘qaçaxî’ bikerî, labelê dewij arê bîyî û reaksîyon nîşan dayî. Dewijan dayî zanayene ke abonetîya cereyanî ya înan esta û her aşme bi hawayo serûber faturayanê xo danî. xebatkarê DEDAŞî zî vatî ke pereyo ke yeno dayene tay o û bi israr waştî ke kontrol bikerî. Labelê dewijî zî bi israr destûr nêdayî ke xebatkarî bikewî keyeyanê înan. MÊRDÎN
