Mamosteyê Zimanê Kurdî Mehmet Emîn Cirik ku li gundê Mensûriyeyê yê navçeya Artûklû ya Mêrdînê dijî, di hesabê xwe yê Youtubeyê de danasîna weayîtan dike. Cirik li gor marka û modelê danasîna wesayîtan dike û di vîdeoyên xwe de behsa taybetmendiyên wesayîtan û awayê bikaranîna wan jî dike.
Derbarê mijarê de Cirik diyar kir ku divê kurdî li hemû qadên jiyanê bê bikaranîn û got ku ji bo pêşketina zimên ji destê kê çi tê divê bike.
Cirik da zanîn ku piştî biryar girtiye ku wê danasîna wesayîtan bike, du hevalên wî jî gotine dê alîkariya wî bikin û destnîşan kir ku niha danasîna wesayîtên nû amade dike.
Di axaftina xwe de Cirik diyar kir ku xwestiye qanaleke serkeftî ya wesayîtan a kurdî hebe ji ber vê yekê arşîveke kurdî çêdike û da zanîn ku kesên karê galeriyê dikin an jî tiştên teknolojîk difiroşin jî divê reklamên wan bi kurdî bin.
Her wiha Cirik anî ziman ku divê kurdî tenê ne zimanê wêje û folklorê be û got ku her kesên ku bi teknolojiyê re mûjîl dibe divê di vî qadê de jî kurdî pêş bixin. MÊRDÎN
