Bi sedan welatî li Şîrînevler a Stenbolê ji bo cenazeyê girtiya siyasî Ayten Beçet ku ji bo rakirina tecrîda li ser Ocalan çalakiya fedayî pêk anî û jiyana xwe ji dest da, meşiyan
Girtiya siyasî Ayten Beçet li Girtîgeha Jinan a Gebzeyê ji bo rakirina tecrîda girankirî ya li ser Rêberê Gelê Kurd Abdullah Ocalan, çalakiya fedaî pêk anî û jiyana xwe ji dest da. Cenazeyê Beçet rakirin Saziya Tipa Edlî (ATK) ya Yenîbosna ya Stenbolê. Ji bo xwedîderketina li cenazeyê Beçet jî bi sedan welatî li ber deriyê ATK’ê kom bûn.
Polîsên ku xwe li ber xwedîderketina gel ranegirtin, êrîşî girseyê kir. Di encama êrîşê de 4 welatî bi derbê re hatin binçavkirin.
Piştî mudaxaleyê girse ji ber saziya tiba edlî çû û li ber avahiya HDP’a Şîrînevlerê gihaştin hev. Welatiyan li vir meşek li dar xist. Di meşê de girseyê bênavber dirûşmên ‘Şehîd namirin’, ‘Bijî berxwedana zindanan’ û ‘Bijî Serok Apo’ berz kirin. STENBOL
