Ji bo piştgiriya bi berxwedana şervanên HSD’ê re, bi sedan welatiyên Til Temirê derbasî Serêkaniyê bûn. Welatiyan da zanîn ku dê di her alî de têkoşîna xwe ya li dijî dagirkeriyê bidomînin
Ji bo piştgirî û piştevaniya bi şervanên Hêzên Sûriyeya Demokratîk (HSD) re, bi sedan şêniyên navçeya Til Temir a girêdayî kantona Hesekê berê xwe dan bajarê Serêkaniyê.
Welatiyên ku çûn Serêkaniyê teqez kirin ku weke gelên Bakur û Rojhilatê Sûriyeyê dê asta têkoşîna xwe di hemû aliyan de û bi hemû şêwazan li dijî êrîşên dewleta tirk a dagirker û çeteyên wê bilintir bikin.
Ji welatiyan Ebdo Xidir ku ji pêkhateyên Til Hemîsê ye û li Til Temirê dijî anî ziman ku ew weke gelên Bakur û Rojhilatê Sûriyeyê bi hemû pêkhate û mezhebên xwe tu carî dagirkirina xaka ku ji çeteyên DAIŞ’ê hatiye rizgarkirin, qebûl nakin. Her wiha destnîşan kir ku dê bi şervanên HSD’ê re bisekinin heta ku bigihîjin serkeftinê. HESEKÊ
