Meryem Temire Hesekê ra şaîrêk a. Meryeme bi şîîranê xo qala şerê Rojawanî, şerwanan û tesîranê şerî kena.
Meryem Temire 44 serrî ya û dadîya hîrê domanan a. Meryema ke Qamişlo de ciwîyena domanîya xo ra nata şîîran nusena. Meryeme heta nika hîrê kitabê şîîrî weşanayî.
Meryeme ANFyî rê qal kerd û pare kerd ke a bi şîîranê xo bena vengê dadîyan û domanan. Meryeme vat: ”Mi şîîranê xo de qala xoverdayîş, têkoşîn û Şorişê Rojawanî kerde. Ez kena ke bi rayîrê edebîyatî veng û dejanê cinîyan bida eşnawitene. Şorişê Rojawanî ra ma nêeşkayêne hîsanê xo bi rehetî binusê. Tedaya rejîmê Baasî est bîye. La nika ma bi azadî xebatanê huner û edebîyatî kenê.”
Meryeme da zanayene ke komelî verê cû cinîyê nuştoxî eyb kerdêne û la Şorişê Cinîyan ê Rojawanî warê azadî cinîyan rê akerdê.
Meryeme pare kerd ke a amadekarîya kitabê xo yê çarinî kena û vat: ”Seba refahê komelî zaf girîng o ke cinîyî bi rehetî marîfetanê xo bimojnê. Cinîyî ganî teyna keye de ney her warê komelî de bi tesîr bibê. No seba averşîyayîşê komelî girîng o.” QAMIŞLO
