Parêzgeha Kirmaşan a rojhilatê Kurdistanê yek ji cihên herî zêde xwedî şûnwarên dîrokî ye. Her wiha yek ji şûnwarên wê yên dîrokî cihê xwe di nava lîsta şûnwarên cîhanî de digire
Kirmaşan bajarê herî mezin ê rojhilatê Kurdistanê ye û pêncemîn parêzgeha mezin a Îranê ye. Li Kirmaşanê 3 hezar û 300 şûnwarên dîrokî hene. Ji ber vê yekê Kirmaşan li Îranê pîleya yekem a şûnwarên dîrokî bidestxistiye. Zêdetirîn 2 hezar û 300 ji van şûnwaran di pêrist û muzexaneyên Îranê de hatine tomarkirin.
Hin ji şûnwarên herî kevnar ên Kirmaşanê wiha ne; Kêwî Bêstun, Serawî Giznehle, Çemî Gamasyab, devera parastî ya Buzin û Merxîl, Serawî Necîwran, Daristanên Şiwankare, Serawî Germ, Kêwî Şaho, Kêwî Suheyl, Daretûy Serasyaw, Kêwî Emrule, Eşkewtî Praw, Eşkewtî Qurî Qela, Serawî Taqewsan û Serawî Rêjaw.
Şûnwarê Bêstûn li Kirmaşanê navê xwe di lîsta şûnwarên cîhanî ya UNESCO yê de digire. KIRMAŞAN
