Kongreya Neteweyî ya Kurdîstanî (KNK), Lîderê YNKyî Bafil Talabanî û Têgêrayîşê Cinîya Azade yê Kurdîstanî (RJAK) bi wesîleya serrgêra 33. ya Raperînî ya 1991î tay eşkerayîyî dayî.
Eşkerayîyî wina yê:
KNK: ”Şarê Başûrî 5ê adara 1991î de rejîmê Baasî erdê Başûrê Kurdîstanî ra vetbi û Parlamento û Hukmatê Herêma Kurdîstanî nabî ro. La nê 33 serran de tîyê nakokîyanê mabênê terefanê sîyasîyan û îdareyê xirabî ra destkewteyê Raperînî binê tehlukeyî de yê. Ganî terefê sîyasîyî menfaetanê xo bidê kişte û seba yewîye û menfaetanê şarê ma bixebitê. Ma venga pêro partîyanê sîyasîyan danê ke bêrê yewca û meverdê ke îşxalkerî rojdemî bigêrê xo destî.”
RJAK: ”Xeta têkoşînî rixmê îxanet û astengîyan tim xo ver da û cinîyan nê prosesî de bedelê pîlî dayî. Şarê Başûrî bi nê hawayî û bi omidêkê pîlî Raperîn dabi destpêkerdene. La ewro Herêma Kurdîstanî binê tehdîdê îşxalî de ya. Seba ke herême bipawîya nê tehdîtî ganî bêrê şiknayene. Ma venga pêro partîyanê sîyasîyan û rêxistinanê cinîyan danê ke erdê herême bipawê. Raperîn tarîxê Kurdîstanî de wayîrê cayêkê girîngî yo. Coka ma venga pêro Kurdîstanî danê ke bi têkoşînî Raperînî bivisno ser!”
Talabanî: ”Ma zanenê ke Raperînî ra dima pêro armancê ke şehîdan seba nînan gonîya xo dayê nêameyî caardene û nêrazîbîyayîşî tim zêdîyenê. Xizmeto ke şarî rê yeno kerdene asta qîme de nîyo. Ma ganî nê polîtîkayanê şaşan û îdareyê şaşî raşt bikerê û estbîyayîşê Qanûnê Bingeyî yê Kurdan bipawê.”
