Navenda Nûçeyan |
Serokê Amerîkayê Joe Biden, bi Serokwezîrê Îsraîlê Benyamin Netanyahu û Serokê Dewletê yê Filistînê Mahmud Abbas re bi telefonê hevdîtin pêk anî.
Biden piştî hevdîtina bi Netenyahu re li Abas geriya. Li gorî agahiyên hatine parvekirin di rojeva hevdîtinan de geşedan û bûyerên di navbera Îsraîlê û Filistînê hebû.
Biden ji ber şerê di navbera Îsraîlê û Filistînê de daxwaz kir ku diyaloga di navbera herdu welatan de destpê bike û soz da alîkariya madî pêşkêşî Filîstînê bike.
Ebas piştgirî da alîkariya Amerîka ya ji bo rawestandina şer û aloziyê, daxwaz kir ku danûstanên Filîstinê li gel Komîteya Çaralî destpê bike û aştiya li herêmê li gorî biryara Neteweyên Yekbûyî (NY) were aşkera kirin.
Serokwezîrê Îsraîlê Benyamin Netanyahu jî di peywendiyê de ji Biden re operasyona leşkerî ya li Xezayê vegot û li ser berdewamkirina operasyonê agahî dan Biden. Her wiha ji ber piştgiriya Amerîkayê ya ji bo Îsraîlê spasiya Amerîkayê kir.
Piştî Biden bû Serokê Amerîkayê cara ewil e bi her du lîderan re hevdîtin pêk tîne.
