Rêberê Gelan Abdullah Ocalan 26 sal in li Îmraliyê di bin tecrîdeke giran de tê ragirtin û 41 meh in agahî jê nayên girtin. Xizmên girtiyan têkoşîna xwe ya li dijî polîtîkayên tecrîdê didomînin. Li Stenbolê, bi pêşengiya Komeleya Piştevanî û Piştevaniya Marmarayê bi Malbatên Girtî û Hikûmxwaran re (MATUHAY-DER) û xizmên girtiyan, çalakiya “Ji Azadiyê re Biaxive” ya li ber Girtîgeha Girtî ya Jinan a Bakirkoyê bi biryardariyeke mezin dewam dike. Di çarçoveya pêngava “Ji Abdullah Ocalan azadî ji pirsgirêka kurd re çareseriya siyasî” xebat didomin. Israra têkoşîna li dijî polîtîkayên desthilatdariya faşîst a AKP-MHP’ê û êşkenceya li van girtîgehan li ser hemû beşên civakê û bi taybet xizmên girtiyan zêde dibe.
Însiyatîfa Dayikên Aştiyê ya Stenbolê derbarê armanca çalakiya “Bijî azadî” ku ji aliyê xizmên girtiyan ve hatiye destpêkirin axivîn.
Sabîha Bozan, diyar kir ku bi salan e li hemû girtîgehên Kurdistan û Tirkiyeyê tecrîdeke giran heye û bi bîr xist ku girtiyan li dijî polîtîkayên tecrîdê demeke dirêj greva birçîbûnê berdewam kirin. Sabîha, bal kişand ku çalakiya greva birçîbûnê veguherî boykota ne hevdîtina bi malbatan re û got, “Girtiyan demek dirêj çalakiya xwe berdewam kirin.
Sabîha wiha dewam kir:”Çima bi Rêberê me re hevdîtin nayê kirin? Di çarçoveya çalakiya girtiyan de pêk hat. Ev çalakiya ku girtiyan li ber xwe didin bû. Li girtîgehan berxwedaneke mezin tê meşandin.”
Sabîhayê bi lêv kir ku divê her kes bibin dengê girtiyan û wiha pê de çû: “Em ji bo bibin dengê girtiyan bi pêşengiya MATUHAY-DER’ê li ber girtîgehê çalakiya xwe didomînin. Di çalakiya li ber Girtîgeha Jinan a Bakirkoyê de polîsan tundî û êriş li me kirin. Em li wir bi hemû hêza xwe dengê xwe bilind dikin. Ji bo dengê me bigihêje girtiyan em li ber xwe didin. Li wir dema çalakiya me kurt dikin û her roja ku derbas dibe cihê me teng dikin. Ev jî tecrîdek e. Mafê van kesan heye ku girtîyên xwe biparêzin. Banga me dayikan li hemû gelan e. Êdî dem hatiye ku dawî li vê zilma li ser gelê Kurd bê anîn. Êdî Bes e! Divê êdî aştiyeke mezin pêk were. Divê ji bo azadiyê dengê xwe bilind bikin. Divê her kes dengê xwe bide çalakiya ‘Dengê Azadiyê’. Divê deriyên girtîgehan bên vekirin.”
Fatma Yilmaz a li ber girtîgehê bi gotina “Em ji bo Rêberê xwe û zarokên xwe diçin” dest bi axaftina xwe kir û wiha got: “Ji ber israra têkoşîna bi salan e tê meşandin em li wir in. Bi bilindkirina dengê xwe em têkoşînê hîn mezintir dikin. Bila tu dayik hêstiran nebarîne û got, “Çi dibe bila bibe em ê deriyên girtîgehê terk nekin. Em ê li ser şopa zarokên xwe û doza xwe bimeşin. Tevî hemû tundiya li ber girtîgehê em li ber xwe didin jî em serî natewînin. Heta ku destûr nedin em bi israr in. Divê her kes li ber xwe bide û zarokên xwe biparêze. Em aştiyê dixwazin. Dem hatiye ku em bibin yek. Roj dema serketinê ye, roj dema berxwedanê ye, roja yekitî û berxwedanê ye.”
Guler Bugday polîtîkayên tecrîdê yên li ser Rêber Apo ku 41 meh in agahî jê nayê girtin nirxand û got, “Di şexsê Birêz Abdullah Ocalan de bi mîlyonan Kurd di bin tecrîdê de ne. Bi hezaran Kurd di zindanan de ne. Tecrîd sûcê mirovahiyê ye. Tecrîd şer kûrtir dike. Heta ku tecrîd bidome wê xwîn û şer jî bidome. Her tişt li dora tecrîdê disekine. Tecrîd tê wateya her tiştî. Kes nizane girtî di nava çar dîwaran de çi dijîn. Hikûmet guh nade van. Girtî bi hemû hêza xwe li berxwe didin.”
Guler bal kişand ser armanca çalakiya “Deng bidin azadiyê” li ser wate û girîngiya wê ev nirxandin kir: “Ev çalakî çalakiya azadiyê ye. Ji bo rakirina tecrîdê çalakiyek tê lidarxistin. Çalakî di şexsê Abdullah Ocalan de ji bo hemû girtiyan didome. Ev deng dengê azadiyê ye. Bila her kes vî dengê azadiyê bibihîze. Azadî ne tenê ji bo gelê kurd ji bo hemû gelan pêwîst e. Divê hemû gel li dijî vê zilmê bisekinin. Têkoşîna me wê bidome. Têkoşîna me wê ji bo bidawîkirina tecrîdê wê bidome. Em ê têkoşîna xwe hîn xurtir bikin. Em dest ji daxwaza azadiyê bernadin. Werin em ji pirsgirêkên li girtîgehan re çareseriyekê bibînin. Divê pirsgirêkên girtiyan ji holê bên rakirin.”
