Navenda Nûçeyan |
Vîrûsa koronayê (Covîd-19) her ku diçe li cîhanê belavtir dibe. Bi vê ve girêdayî encamên wê jî roj bi roj girantir dibin. Li temamiya cîhanê zêdetirî 2 milyon û 200 hezar kes bi şewba Covîd-19 ketine û herî kêm 147 hezar û 700 kes jî pê mirine.
Şewba vîrûsa koronayê heta niha li 139 welat û herêman belav bûye. Herî zêde li Amerîkayê kes bi vîrûsê ketine û jiyana xwe ji dest dane. Li pey DYA’yê jî welatên Îtalya û Spanya tên. Li tevahî cîhanê derdora 557 hezar kesên bi şewbê ketin, baş bûne û milyonek û 500 hezar kes jî tên dermankirin. Ji bo parastina ji vîrûsa koronayê heta niha 4 milyar û 500 milyon kes di malên xwe de ne.
Li gorî daneyên fermî, li çend welatan bîlançoya şewba koronayê wiha ye:
TIRKIYE
* Li gorî rayedarên dewleta tirk heta niha hezar û 643 kes bi vîrûsê mirine û 74 hezar û 193 kes jî bi şewbê ketine.
* Bi qanûna înfazê ya nû re li Tirkiyeyê gelemperiya çete, diz, tecawizkar û mafya hatin berdan lê girtiyên siyasî nehatin berdan. Girtiyê bi navê Mahmût Temel ku li Girtîgeha Tîpa E ya Sêrtê dimîne û du caran ji spazma dil hatiye dermankirin diyar kir ku ji ber vîrûsa koronayê tu tevdîr nehatine girtin.
DYA
* Heta niha 678 hezar kes bi şewbê ketine û ji van 36 hezar û 640 kes pê mirine.
SPANYA
* Heta niha 185 hezar kes bi şewbê ketine û 19 hezar û 315 kes jî pê mirine.
ÎTALYA
* Li welat heta niha 168 hezar û 941 kes bi şewbê ketine û ji van 22 hezar û 170 kes mirin û 106 hezar kes jî tên dermankirin.
FRANSA
* Zêdetirî 165 hezar kes bi şewbê ketine û ji van 17 hezar û 920 kes pê mirine.
INGILISTAN
* Li welat zêdetirî 103 hezar kes bi şewbê ketine û ji van 13 hezar û 700 kes pê mirine
ALMANYA
* Heta niha 138 hezar û 200 kes bi şewbê ketine û ji van 4 hezar û 101 kes pê mirine.
BELÇÎKA
* Li welat 36 hezar û 138 kes bi şewbê ketine û ji van 5 hezar û 165 kes jî pê mirine.
HOLLANDA
* Heta niha 30 hezar û 449 kes bi şewbê ketine û ji van 3 hezar û 459 kes pê mirin û 26 hezar jî tên dermankirin.
SWÎSRE
* Li welat zêdetirî 27 hezar kes bi şewbê ketîne û ji van hezar û 288 kes jî jê mirine.
ÎRAN
* Heta niha 79 hezar û 494 kes bi şewbê ketine û ji van 4 hezar û 958 kes jî jê mirine.
