Dewleta tirke ya îşxalkere 19ê teşrîna peyêne ra nata hêrişê herêmanê Dêrik, Dirbêsiyê, Ebû Rasên, Kobanê û Şehba yê Rojawanê Kurdistanî kena. Hêrişî 10 rojî yo dewam kenê û pêro şaristananê Rojawanî rê vila bîyê.
Dewleta tirke ya îşxalkere bi teyarayanê şerî û teyarayanê keşfî, bi droneyanê çekdaran û bi çekanê giranan dana herême ro. Nê hêrişan de heta nika 13 sivîlî, 19 şerwanî şehîd bîyî, 7 şerwanî û 3yê ci domanî 14 sivîlî zî birîndar bîyî. Heman wextî de endamêkê Hêzanê Asayîşê Zereyî şehîd bi û 2yê ci birîndar bîyî.
Dewleta tirke ya îşxalkere bombaya fosfore eşte Şeraya Efrînî, dewa Koranî ya Kobanê de dibistanêke, Qeremox de merkezêkê weşîye û 2 nêweşxaneyî dayî bombayan ver.
Rojawan de 235 dibistanî ameyî qefilnayene, 251 dibistanan mabên da perwerdeyî. 21 hezar û 843 wendelarî zî perwerde ra mehrûm mendî.
