Dewleta tirkî ya dagirkere qezaya Zirganî ya Serêkanîyê bombardûman kerde. Netîceyê bombardûmanî de 3 sivîl şehîd bîyî û 12 zî birîndar bîyî
Hêzên artêşa tirkî ya dagirkere hêrişê xo yê qirkerdişî yê vera rojawanê Kurdistanî domnena. Her çiqas ke mabenê DYA û dewleta tirkî de adirbirnayîş bêro îlankerdene zî hêzê dagirkerî bêmaben raşteyanê sivîlan bombardûman kenî û herême de qetlîyam virazenî
Na çarçewe de ewro qezaya Zirganî ya Serêkanîyê bombardûman kerde. Goreyê xeberanê ke Zirganî ra ameyî, netîceyê hêrişê dewleta tirkî de înan ra yew endamê Partîya Çepan ya Sûrîye Hesen Newaf Hecî Elî 3 sivîlî şehîd bîyî û 12 sivîlî zî birîndar bîyî.
Xebatê cigêrayîşê binê xerabeyan dewam kenî. Beno ke hûmara şehîd û birîndar zêde biba. SERÊKANIYÊ
