Bîlançoya bahoza li Filîpînê di 29’ê kanûnê de derketibû giran dibe. Rayedarên dewletê dan zanîn ku hejmara welatiyên di bahozê de jiyana xwe ji dest dane gihîşt 126 kesan
Di roja 29’ê kanûna sala 2018’an de ji ber bahoza li navenda Filîpînê û giravên li rojhilatê welat, lehî rabû. Her wiha erd şemitî.
Têkildarî encamên bahozê û şemitîna erdê, rayedarên dewletê bi raya giştî re agahî parve kirin. Rayedarên dewletê detnîşan kirin ku hejmara welatiyên ku di bahozê û şemitîna erdê de jiyana xwe ji dest dane gihîşt 126 kesan. Piraniya kesên mirin li herêma Bîcolê ya li başûrê rojhilat ê Manîlayê bûn. Tenê li Bîcolê zêdeyî 100 kesan jiyana xwe ji dest da.
Her wiha ji ber bahoza bi bandor û şemitîna erdê, herî kêm 152 hezar mirov neçar man ku cih û warên xwe biterikînin. Rayedaran got ku herî kêm 75 welatî jî birîndar bûne.
Li Filîpînê salê hema bêje 20 caran bahoz radibin û rê li ber karesatên mezin vedibe. Mezintirîn bahoza li Filîpînê di mijdara sala 2013’an de pêk hat û bû sedema mirina zêdetirî 7 hezar 350 welatiyan. MANÎLA
