Li na
Li navçeya Erdîşa Wanê di navbera 5 û 7’ê sibatê de 29 kes hatin binçavkirin, 23 ji wan jî hatin girtin. Di nava 22 rojên dawîn de li Erdîşê 90 kes hatin binçavkirin, 47 ji wan hatin girtin
Bi nêzîkbûna hilbijartinên herêmî re AKP li navçeya Erdîşa Wanê bi rêya polîs û leşkeran zexteke giran li gel dike. Li navçeya Erdîşê, polîs û leşkeran dema dawî avêtin ser bi sedan malbatan, bi sedan kes binçav kirin û bi dehan ji wan jî girtin. Di nava 22 rojên dawî de li Erdîşê 90 kes hatin binçavkirin, 47 kes hatin girtin.
Di nava 2 mehên dawî de di 200 serdegirtinan de ji sedan binçavkiriyan 93 kes hatin girtin. Di navbera 5 û 7’ê sibatê de 29 kes hatin binçavkirin û 23 ji wan bi îdiaya “alîkariya ji bo rêxistinê” û “endametiya rêxistinê” hatin girtin. 6 kes jî bi şertê kontrola edlî hatin berdan.
Di nava 22 rojên dawî de herî kêm 90 kes hatin binçavkirin ku yek ji wan jineke extiyar a 86 salî bû ku nexweşa tansiyon û şekir e. Ji 90 kesên destgîrkirî 47 kes bi îdîaya “alîkariya ji bo rêxistinê” û “endametiya rêxistinê” hatin girtin. WAN
