Hemşaredarê Partîya Demokratîke ya Şaran (HDP) yê Qersî Ayhan Bîlgeno ke operasyonê qirkerdişê sîyasîyî yê vera HDPyî de 25ê êlule de ame destbendkerdene, îstîfa kerd.
Bîlgenî hesabê xo yê medayaya sosyale ra da pêhesnayene ke ê îstîfa kerd û nê pare kerdî: ”Serrê mi yê kaykerdişê demokrasîyî vêrtî. Rewşa Tirkîya zî semedê kaykerdişî musaît nîya. Bi caardişanê kêfîyan bi îradeyê bajarêkî kay kenê. Ez desturê naye nêdana. Serbest veradê ya zî tepişê heta ke demê destbendkerdişê biqedîyo eke qeyûm herinda mi de ca nêbo, ez do wezîfeyê xo yê hemşaredarî ra îstîfa bikerê. Qers eşkeno xo îdare bikero. 1 serre û nêm a ke meclîso ke pîya qerar gêno, eşkeno pîya bi 5 patîyan îdareyo newe rono. Wextê vîjnayîşî de her kesî watêne ke bajarî îdarê bikero, nika ganî çew/e berpirsîyarî ra meremo. No cavêrdayîşê mewkîyêk nîyo, senî ke ma wextê kampanyaya vîjnayîşî de vat bi îdareyê hempare dayîşê îmtîhanê demokrasîyî yo. Eke ez bêrê tepiştene kitabê xo yê 3. nusena. Eke veradîye xebatê kooparatîfî de ca gena. No kar hemşaredarîye ra kêmêr muhîm nîyo. Ez heme kesanê ke rey dayî ma û embazanê xo rê spas kena. Eke Qers bi hemşaredara cinî rayîrê xo rê dewam bikero, têna hetê sîyasîyî ra nê hetê komelkî ra zî gamêka muham a. Ganî qet çîyêk sey verî nêbo.”
