Wexto ke artêşa tirke vera tunelanê şerî yê Girê Şehîd Pîrdoganî yê Amedîyê çekê kîmyewîyî şuxilnayêne dîmenê nînan ameyî qeydkerdene. Heman warî de PDK zî bi kepçeyan seba îşxalkeran ver bi tunelan rayîr beno.
Dîmenî 4ê teşrîna peyêne ya 2023yî de ameyî girewtene.
Tunelanê şerî yê Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de xoverdayîşêko bêhempa yeno kerdene.
Dewleta tirke 25ê gulana 2022yî de vera Rojawanê Zapî operasyonê îşxalî dabi destpêkerdene û Girê Amedîyê de leşkerê xo ca kerdbî. Ê tarîxî ra nata artêşa tirke ya îşxalkere Rojawanê Zapî de sûcanê şerî kena, krîteranê exlaq û qanûnanê şerî binpay kena. La gerîlayan hem girê xo pawitî hem zî hêrişê îşxalkeran şiknayî.
Kanûnê 2022yî de artêşa tirke bi binkewtişêkê giranî sere de Girê Cûdîyî û Girê Amedîyê xo giranê Herêma Şehîd Delîlî ra apey ant. La êlula 2023yî de bi destekê PDKyî ancî artêşa îşxalkere hêrişê nê waran kerd. PDKyî seba artêşa îşxalkere rayîrî viraştî, mewzîyî viraştî, pê kepçeyanê xo helîkopteranê îşxalkeran rê meydanê warardişî viraştî.
Nê dîmenan ra aseno ke yew eleqeyê PDKyî ne bi kurdayetîye ne zî bi merdimatîye est o. BEHDÎNAN
