Diway 15 sal le damirkandinewey xebat û têkoşan, becêkirdinî partekanî Komele û Dîmukirat le başurî Kurdistan, bêhîwayî xelik be çexmaxeyêk, ke le şarî Ormiyewe lê dira bûwe raperînêk sertaserî ke rojhelatî Kurdistan girtewe.
Ewey cemawerî le 3yî reşemme hênaye meydan û yekdengî kird destbeser kirdinî Abdula Ocalan bû.
22 sal be ser ew raperîne da têperî û ta be emro analîzî le ser dekirêt, ke çon bû Rojhelat seriyan hel da û gelo serheldanî gel xoresk bû?
Le 21yî fêbîwerî 1999 hefteyek diwayî Pîlangêrî 15yî Sibat, xopîşandanekan le Rojhelat geştiye lûtke le zorbeyî şar û şaroçekan da daway azadî Ocalan kira.
Hemû cîn û tiwêjekan beşdar bûn, sereta rijêm ke moletî be xopîstaneke dabû, wîstî helwêstî gel dijî Amrîka û Musad û Turkiya bo berjewendiyanî be kar biba, belam her zû cemawir be yekdengî xoyan dijî dagirkeran, nîşanyan da ke kurd pîştîwanî Bakur e û dawayî azadî û rizgarî Kurdistanîş kird.
Alayî PKK, posterekanî Apo û nûsraw û pankard arasteyêkî dîkey be xopîşandanekan da.
Şewêk pêşûtir le Taran kurdan le kobûnewe û xopîşanda, dawayî azadî Ocalan kird.
Her weha le hendêk şarî Rojhelat, şewî 2yî reşemme hendêk xopîşandan bûwe agadarkirdineweyek ke hemaseyî rojî 3yî reşemme bixolqênêt.
Xebatî rêkxistinî PKK le parêzgayî Wirmê, karîgerî xoy le ser xopîşandanekan ta astêk danabû.
Her çende hendêk kes ta be emro bo ewey le qûrsayî ew xopîşandane kem kenewe delên: ew xopîsandane xoresk bûwe û xo kes Apoy nedenasî.
Wek tecrûbeyî xom bas kem, le şarî Seqiz bûm sereta wîstman blavok bo xoman wek xiwêndkaran amade keyîn, belam kesanêkman debînî ke sedan bilavokyan le dest dabû le nawendêke destanyan be bilaw kirdinewe kirdû. Boye poster, pankard û tenanet ala le xopşandanekanî nawendî Seqiz û şarekanî dîke da, nîşaney ewe bû ke kar bo nasandinî fikr û raman û kesayetî Ocalan kirawe .
Lew roje da, rijêmî Êran ke kontrolî xopîşandanekanî le şewêkî pêştrewe le dest derçûbû, sererayî mîlîtarîze kirdin, belam sedan hezar kes le meydanekan be yekdeng em dûrûşmaneyan dewitewe:
‘Apo, Apo’
‘Azadî bo Ocalan’
‘Bakur, Başûr, Rojhelat yek wilat û yek xebat’
‘Brûxêt dagîrker’
‘Çilkaxorî Turkiye Mesud Barzanye û…’
Der encamî ew xopîşandane destbeserkirdinî sedan kes, giyan bexit kirdin û bêserûşiwên kirdinî deyan kes le parêzgakanî rojhelatî Kurdistan.
Ew xopîşandane selmandî gel le Rojhelat sinûre destkirdekanyan şikand.
Xopîsandanî 22 sal ber le êsta tirsêkî wehayî xiste dilî deslatî îslamî Êranewe ke her sal Rojhelat lem satane da mîlîtarîze bikat.
Ciya lewey cewananêkî zor le Rojhelatewe bûne gerîla û PJAK yan pêkhena belkû bûwe hoy wexokewtin û şokêk bû paretanî Rojhelat le Başûr da bêkarîger kirabûn.
Êsta ramanî beriz Ocalan pelî hawêşûwe bo tewawî Êran, sererayî astengiyekan şirovey ciya ciya le kesayetî Apo wek rêber û xawen fikireyek dekrêt û mexabin salêk ziyatre kes agayî doxî Ocalan le Îmralî niye.
