Herêma Botan de Kizwan aşmanê zimistanî de bi hawayo huşkkerde yeno xebetnayîş. Kizwan ra sabun û kahwe yeno viraştiş û çimeyê debara şarê herême yo.
Koyanê Şirnexî de xeylê nebat û darû resenî û herra ci zaf dewlemend a. Nê nebatan ra yew zî Kizwan o. Kizwan heme cayê bajar de reseno û eynî wext de çimeyê dabara herême yo. Taybet zî koyê Gabar de no nebat zaf reseno û aşmanê hamnanî de yeno arêdayîş û huşkkerdiş. Şar kizwanan sey çerez weno.
Hemwelatîyê Guçlukonakî yê Şirnexî ra kizwanan ra sabun virazenî. Derheqê babete de cinîyanê Findikli ra Cevahîr Îmreyeqisye kerde. Îmreye qiseykerdişê xo de wina va: “Ma torbeyê gird xaşeyanê xo gênî û şonî koyan. Koyê ma bi kizwanan dekerde yî. Sewbîna xeylê darê fekî û xurekan zî estî. Ma badê arêdayîşî kizwanan huşk kenî û xeylê çiyan ci ra virazenî. Ma kizwanan kenî sabun, kahwe û sey çerez zî wenî. Sabunê kizwan seba çerm û porê merdiman zaf baş o. Tîya de xeylê kesî bi viraştişê sabunê kizwan debara xo kenî.” ŞIRNEX
