Hemserekê Cinîyî yê Partîya Demokratîke ya Şaran (HDP) yê Şaristanan Anqara de kom bîyî. Kombîyayîş de verî Pervîn Buldane qisey kerd.
Buldane vat: ”Tay embazê ma nika tepişte yê, tay embazê ma zî surgunkerde yê. Ma nînan selam kenê. Ma Aysel Tugluke rê zî heskerdişê xo şawenê. Heta ke Tugluke û tepişteyê nêweşî yê bînî bêrê veradayene, ma do têkoşînê xo rê dewam bikerê. Bêguman têkoşînê ma yê cinîyan polîtîkayanê zulmî do birijnê.
Îqtîdaro nikayên bibgeyê bêdûştîye de ronîyayo. Ma her ca de têkoşînê xo, tewrbîyayîşê xo û temsîlîya têdûşte xo rê kenê krîterê verênî. Ma sîstemê xo yê hemserekîye, temsîlîya têdûşte nê krîteran reyde anê ca. No sîstem, netîceya têkoşînê cinîyan de ame destvistene.
Cinîyî nika prosesê zor û zehmetî de yê. Ma hê vera pederşahîye, sîstemê serdestîya camêrdan, çetebîyayîşî, xizanîye, talan û dizdîye têkoşînêkê pîlî kenê. No karêko asan nîyo. La belê têkoşînê ma heqdar û meşrû yo. Ma do sibayanê roşnîyan awan bikerê. Sey HDPyî bi taybetî sey Meclîsê Cinîyan ma taxan, kuçeyan ûsn de kombîyayîşî, kargehî kerdî. Nê prosesî de meclîsanê ma yê cinîyan, hemserekanê ma yê cinîyan kedêka pîle daye. Ez pê bawer a ke no têkoşînê HDPyî do pîl bibo. Ma paştîya xo danê hêz xo, şarê xo, cinî û ciwanan.”
