Çalakîya rayîrşîyayîşê HDPyî yê 15 bajaran ra ver bi Amedî de tax, kuçe, sîte û keyeyê Hemsereka KCDyî û Parlementera HDPyî Leyla Guvena ke grevê vêşanîye de ya bi barîyerê polîsan girîyabî binê abluqaya polîsan û abluqa hema zî nêwedarîyayo.
Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî grevê vêşanîde de ya kewt roja 101.
HDP seba piştîdayîşê Leyla Guvene û hepsîyê ke seba eynî taleban grev de yî, roja 100. yê grevî de 15 bajaran ra ver bi Amedî çalakîya rayîrşîyayîşî organîze kerdbî. Rayîrşîyayîş ra ver dormeyê keyeyê Guvene û qezaya Rezan ya Amedî hetê polîsan ra girîyayî binê abluqa. Abluqaya vizêrin hema zî nêwedarîyaya û dewam kena. Her çiqas ke çalakîya rayîrşîyayîşî biqedîyo zî abluqa nêwedarîya. Kişta barîyerê polîsan de wesayîtê zirxî yê polîsan ameyî bicaakerdiş. AMED
