Çalakîya ke vera xespkerdişê hîrê şaredarîyanê bajaranê pîlan yê HDPyî de ame destpêkerdene kewte roja xo ya 13.
Amed de çalakîya roniştişî ya ke vera xespkerdişê şaredarîyanê Amed, Wan û Mêrdînî ameye destpêkerdene roja 13. de dewam kena.
Çalakîya ke Kuçeyê Lîse de yena viraştene ewro zî bi slogananê, ‘Amed ê ma yo‘ û ‘Ma do bi xoverdayîşî ser bikewê‘ ameye destpêkerdene. Parlamenterê Partîya Demokratîke ya Şaran (HDP) Ayşe Acar Başarane, Remzîye Tosune, Salîha Aydenîze, Feleknaz Uca, Dersîm Dage, Semra Guzele, Hîşyar Ozsoy û Ahmet Şik, Mayê Haştîye, aktîvîstê TJA, hemşaredarê Şaredarîya Bajarê Girdî yê Amedî Selçuk Mizrakli û hemşaredarî Bajarê Girdî yê Mêrdinî Ahmet Turk zî tewrê çalakîye bîyî. Çalakîye do saete 13.00î de bi eşkerayîya çapemenîye dewam bikero. AMED
