Çalakiya Dayikên Aştiyê ya li benda kontrolê ya PDK’ê ya di navbera Hewlêr û Mexmûrê de li dijî dorpêça ku 56 roj in Ii ser Mexmûrê didome tevî şert û mercên dijwar jî 11 roj li pey xwe hişt
Dorpêç û ambargoya PDK’ê 56 roj in ser Wargeha Penabaran a Şehîd Rûstem Cûdî (Mexmûr) berdewam dike. Ji bo rakirina vê dorpêçê Dayîkên Aştiyê yên Mexmûrê 11 roj in li benda kontrolê ya asyişa PDK’ê ya di navbera Hewler û Mexmûrê de di çalakiyê de ne. Tevî germa û toza zêde dayik şev û rojên xwe li wir derbas dikin.
Heta niha rayedarên hikûmeta Herêma Federal a Kurdistanê tu bersiv nedane dayikan. Herwiha destûr nadin ku tu kes serdana dayikan bikin. Rê nayê dayîn çapemenî biçe li cihê dayik lê ne û destûr nedin ku xwarin jî ji bo wan biçe.
Dayikek rakirin nexweşxaneyê
Duh di saetên nîvro de dayîka bi navê Şerbet Salih ji ber tansiyon û nexweşiya dil rakirin Nexweşxaneya Mexmûr ê. Dayik aşkere dikin ku heta ku dorpêç bi dawî nebe, wê çalakiya xwe berdewam bikin. MEXMÛR
