Navenda Nûçeyan
Rêberê Gelê Kurd Abdullah Ocalan 21 sal in li Girtîgeha Tîpa F a Ewlehiya Bilind a Îmraliyê tê tecrîdkirin. Girtiyên PKK û PAJK’ê li dijî tecrîd û azadiya Ocalan di 27’ê Mijdarê de dest bi çalakiya greva birçîbûnê dorveger û bêdem kiribûn. Çalakiya girtîgehan 37 roj li pey xwe hişt.
Li Wargeha Penaberan a Şehîd Rustem Cûdî (Mexmûr) jî li dijî tecrîdê çalakî didome. Mexmûrî bi koma 9’an çalakiya grevê didomînin. Greva birçîbûnê ya ji bo bidawîkirina tecrîda li Îmraliyê di 18’ê Kanûna 2019’an de dest pê kir, di roja 17’an de ye. Di merasîmê de koma 9’an dest bi dora xwe ya çalakiyê kir. Merasîma dewrgirtinê bi deqeyeke rêzgirtinê pêk hat. Di merasimê de 3 jinên kurd ên siyasetmedar Sakîne Cansiz, Leyla Şaylemez û Fîdan Dogan bi bîr anîn. Koma 9’emîn di merasima dewirgirtina çalakiyê de dirûşmên ‘Bijî Serok Apo’, ‘Bijî berxwedana zindanan’ û ‘Jin, jiyan, azadî’ berz kir û çalakî dewr girtin.
