Navenda Nûçeyan
Li gorî daxuyaniya polîsên Belçîkayê di 28’ê hezîrana 2018’an de 2 hemwelatiyên Belçîkayê ku bi eslê xwe ji Îranê ne ji bajêra Anversê derbasî Lûksemburgê dibin û li wê derê dîplomatek ji Îranê Assadollah Asadîyê re hevdîtin dikin û di 30’ê hezîrana 2018’an de ji bo bombekirina mîtînga Konseya Berxwedana Neteweyî ya Îranê ( NCRI) paketa bombeyê li Parîsê teslîmê yekî dikin. NCRI mileke Mujahideen-e Khalq (MEK)’ê ye ku li hemberî rejîma Komara Îslamê çalak in û ji aliyê Îranê ve wek rexistineke terorîst tên pênasekirin. Endamên wan jî piranî ji welatên xwe hatine sirgûnkirin.
Operasyon an jî çalakiyên derveyê sînorê Îranê ji hêla îstîxbarata Îranê ve zêde tên bikaranîn. Kurd jî gelek rastî çalakiyên bi vî rengî ya Îranê hatine. Dr. Evdirehman Qasimlo jî li Viyanayê bi çalakiya Îranê hatibû qetilkirin.
Dozgerên Belçîkayê ji bo bombekirina mîtîngê, rêveberiya Tahranê sûcdar dibîne. Dîplomat Assadî niha bi dozgeriyê re hevkariyê qebûl nake û li hemberî sûcdarkirinê îtîraz dike. Danişîn ew ê çend roj bidome. Wisa xuya dike biryar heya dawiyê mehê bê dayîn. Biryara dozgehê girîng e çimkî dibe ku li Ewropayê liv û tevgera îstîxbarata Îranê sînordar bike.
