Bi sedan mertalên zindî li Kantona Kobanê li ser sînor çalakiya xwe ya li dijî gefên dewleta tirk di roja 15`an de didomînin
Şêniyên kantona Kobanê ji 17`ê tîrmehê ve dest bi çalakiya mertalên zindî li ser sînorê gundên Qeremox û Ziyaretê kir. Çalakiyan piştî 2 rojan ji destpêkirina gefên Tirkiyeyê yên li ser herêmên Bakur û Rojhilatê Sûriyeyê dest pê kir. Di demekê de ku gefên Tirkiyeyê ji bo amadekirina êrîşa ser herêmên Bakurê Sûriyeyê zêde dibin. Îro jî şandeyên ji saziyên sivîl li kantonê û gelek endamên partiyên siyasî yên kurd û Partiya Pêşerojê ya Sûriyeyê berê xwe da konê çalakiyê yê ku li gundê Qeremox li rojhilatê bajêr hatiye vedan.
Mertalên zindî xelekek ji mirovan li ser sînor çêkirin û dirûşmên silavkirina berxwedana gelê li Bakur û Rojhilatê Sûriyeyê li dijî gefên Tirkiyeyê û dirûşma “Qatil Erdogan, bijî biratiya gelan, bimire xiyanet” berz kirin.
Bi hezaran şêniyên Bakur û Rojhilatê Sûriyeyê di 22`yê mehê de derketin meşeke girseyî li pêşiya yek ji baregehên leşkerî yên Kaolîsyona Navneteweyî li Sûriyeyê li gundê Xerab Işikê. Şêniyan ji civaka navneteweyî û taybet dewletên di nav Koalîsyona Navneteweyî de daxwaz kir ku helwesta xwe ji gefên Tirkiyeyê re nîşan bidin.
Her wiha li gundên sînor gulereşandin ji aliyê Tirkiyê ve li ser malên sivîlan di 2 rojên dawî de pêk hatin, di bûyerê de yek ji zarokên gundê Siftekê yê rojavayê bajarê Kobanê rastî gulereşandinê hat. KOBANÊ
