Li Serêkaniyê çalakiya mertalên zindî ya li dijî hewldana dagirkeriyê ya dewleta tirk di roja 3’yemîn de berdewam dike. Îro jî dê bi hezaran kes tev li çalakiyê bibin
Bi armanca şermezarkirina gefên dewleta tirk ên ji bo dagirkirina bakur û rojhilatê Sûriyeyê û vekişîna hêzên koalîsyonê ya li ser sînorê di navbera rojava û bakurê Kurdistanê de, bi tevlêbûna gelek kesan li ser sînorê Serêkaniyê çalakiya mertalên zindî hatibû destpêkirin.
Çalakî di 7’ê cotmehê de dest pê kir û bi beşdariya bi hezaran welatiyan di roja 3’yemîn de jî berdewam dike. Di çalakiyê de hevserokê kantona Hesekê Abdul Xanî axivî. Xenî di serî de Komploya Navneteweyî ya 9’ê Cotmehê ya li dijî Rêberê Gelê Kurd Abdullah Ocalan şermezar kir. Xanî piştre jî bal kişand ser yekitiya gelên herêmê û destnîşan kir ku li dijî teknîkê ya herî girîng, vîna gel e.
Çalakiya mertalên zindî dê îro jî bidome. Di heman demê de girseya gel dê li ber Navenda Çandê ya Serêkaniyê li hev kom bibe û ber bi qada çalakiya mertalên zindî bimeşe. SERÊKANIYÊ
