Dayîkê girewteyan ê ke seba wedaritişê tecrîdkerdişê Rayberê PKKyî Abdullah Ocalanî grevê vêşanîye de yê, hîrê rojî yo meclîs de çalakîye de yê
Çalakîya roniştişî ya dayîkan roja Sêşeme dimayê kombîyayîşî yê hewtane yê Partîya Demokratîke ya Şaran (HDP) dest pêkerdibî. Dayîkî wazenê ke Wezaretê Edaletî reyde pêvînayîşî bikerê.
Parlamenterê HDPyî Ayşe Acar Başarane û Necdet Îpekyuze şewa dîyine dayîkan reyde derbaz kerde. Roja Çarşeme saetanê şewe de Sedat Akino ke Zîndanê Tîpa Tyî yê Erzînganî de dest bi grevê vêşanîye kerdo û bado çalakîya xo keyeyê xo yê Êlîhî de dewam keno, telefon akerd. Akino ke 130 rojî yo grevê vêşanîye de yo va: “Beno ke ma hezar kesî bi mengan o grevê vêşanîye de yê; ma do qetî na çalakîye ra fek vera nêdê. Xoverdayîşê şima moral dano ma. Ma do pîya ser bikewê.” ANQARA
