Dêrsim de çalakîya roniştişî ya laçigsipîyin a ke bi şîarê ‘Veng bidê cuye wa mergî mebê’ yena viraştene vizêr roja 14. de dewam kerde
Çalakîya roniştişî ya ke hetê rêxistina Partîya Demokratîke ya Şaran (HDP) ya Dêrsimî ra semedê paştdayîşê grevê vêşanîye û rojeyê mergî yena viraştene vizêr roja 14. de dewam kerde.
Meydanê Seyîd Rizayî yê Dêrsimî de bi çalakîya roniştişî bale ancîyaye grevê vêşanîye yê ke rayberîya Leyla Guvene de yenê kerdene ser. Temsîlkarê partîyanê sîyasîyan û dezgehan û xeylî hemwelatijî tewrê çalakîye bîyî. Çalakgeran bi laçiganê sipîyan û pankarta, ‘Veng bidê cuye wa mergî mebê’ waşt ke tecrîd cade wedarîyo. DÊRSIM
