Dêrsim de çalakîya ke semedê baleantişê serê grevê vêşanîye hetê rêxistina HDPyî ra bi şîarê ‘Veng bidê cuye wa tecrîd wedarîyo’ yena viraştene vizêr roja 12. de dewam kerde
Çalakîya roniştişî ya ke semedê baleantişê grevê vêşanîye yê ke semedê wedartişê tecrîdê serê Rayberê PKKyî Abdullah Ocalanî yenê viraştene hetê Partîya Demokratîke ya Şaran (HDP) ya Dêrsimî ra ameye destpêkerdene, vizêr roja 12. de dewam kerde.
Dêrsim de reyna Meydanê Seyîd Rizayî de çalakîya roniştişî de bale anciya greve vêşanîye yê ke rayberîya Leyla Guvene de yenê viraştene ser. Temsîlkarê partîyanê sîyasîyan û dezgehan, merdimê tepişteyan, xeylî hemwelatijî û parlamantera Partîya Demokratîke ya Şaran (HDP) ya Amedî Semra Guzele tewrê çalakîya vizêrî bîyî.
Semra Guzele bale ante serê waştişê çalageranê grevê vêşanîye û rojeyê mergî û va: “Tecrîd îşkence yo, sucê merdimîye yo. Heqê her tepişteyî esto ke avûkat û keyeyê xo dir pêvînayîş virazo. Çalakgerê grevê vêşanîye wazenê ke Tirkîya huqûqê xo bişuxulno. Nîmê yewe serrî yo ke xoverdayîşê grevê vêşanîye dewam keno. No semedê Tirkîya eybo ke gird o. Rewşa xoverdayoxan rewna kewta merheleya krîtîke. Xoverdayoxê teberî zî binê tecrîd de yê. Heta wedartişê tecrîdî do çalakîyê ma dewam bikerê.” DÊRSIM
